‘n Soektog is na Steven Roux (25) begin nadat hy op 4 Junie vir die laaste keer in Mpumalanga gesien is.
Volgens inligting was hy daar in ‘n rehaiblitasiesentrum en het hy op dié dag op ‘n bus geklim om terug te keer na Brakpan.
Toe hy nie by sy bestemming opgedaag het nie is hy as vermis aangegee.
Sy suster, Michelle Bekker, het Vrydag (19 Junie) op haar Facebookblad geskryf dat sy verneem het dat haar broer se liggaam vroeër die maand in ‘n veld in Brakpan gekry is, en dat die nadoodse ondersoek aangedui het dat hy gesterf het as gevolg van longontsteking (pneumonia).
Die Herald het Bekker gekontak en sy het bevestig dat haar broer oorlede is en dat hy in ‘n veld aangetref is.
Die Herald het die Brakpan SAPD oor die voorval genader en daar is bevestig dat daar op 6 Junie ‘n lyk naby die ou Lokasiepad gevind is.