Diewe steel graag batterye
"‘n Dief sal twee keer dink voordat hy ‘n duidelik gemerkte battery uit ‘n voertuig steel.”
Om die battery van jou voertuig te vervang kan jou deesdae ‘n hele paar Rand uit die sak jaag.
Die Brakpan SAPD het by monde van Kapt Peet van der Schyff gesê dat daar die afgelope tyd verskeie voorvalle aangemeld is waar batterye uit voertuie gesteel is.
“Die diewe verkoop die batterye maklik maar wanneer dit met ‘n registrasienommer of identiteitsnommer gemerk is, maak dit sake vir die skelms meer ingewikkeld,” het Van der Schyff gesê.
“Dit is uiters noodsaaklik dat motoreienaars hul batterye op ‘n manier merk. ‘n Dief sal twee keer dink voordat hy ‘n duidelik gemerkte battery uit ‘n voertuig steel,” het Van der Schyff gesê.
Lees ook:
Volg ons:
Ontvang die nuutste nuus op jou foon:
WhatsApp nommer: 0794306641 (voeg ons by jou kontaklys en stuur jou naam en van op WhatsApp)
