Diefstal van hekmotors is weer erg: SAPD gee raad
Huiseienaars wat elektroniese hekke het, word versoek om ekstra maatreëls in plek te stel om hul eiendom te beskerm.
Die Brakpan SAPD het onlangs aangedui dat daar die afgelope tyd ‘n groot toename in die diefstal van die motors van elektroniese hekke is.
Huiseienaars wat elektroniese hekke het, word versoek om ekstra maatreëls in plek te stel om hul eiendom te beskerm.
Volgens ‘n woordvoerder van die SAPD is dit ‘n goeie idee om ‘n naam en identiteitsnommer op ‘n manier op die motor aan te bring.
“Dit moet, byvoorbeeld, ingegraveer word, sodat dit nie verwyder kan word nie,” het die woordvoerder aangeraai.
“Dit is ook wys om die hekmotors stewig met ’n steunarm aan die grond of binne die eiendom vas te anker.”
“Dit sal ook help om ’n steunarm aan die bokant van die hek aan te bring. Diewe lig maklik ’n hek van die spoor af en dié voorsorgmaatreël kan dit voorkom.”
Lees ook:
Waarskuwing: Skelms se maniere om toegang tot jou huis te kry
Pasop, diewe soek jou hekmotor
Volg ons:
