Oud-Stoffbergers is steeds groot pelle

Die manne het besluit om weer bietjie op te vang na hul in 1985 gematrikuleer het.

February 20, 2018

Thelma Koorts Less than a minute

Op die foto kloksgewys (van voor): Wouter van Aardt, Johan Holder, Frans Dry, Deon Robinson, Jimmy Demos, Anton Els, Steven Voster en Marius Venables.

’n Groep oud-Stoffbergers, wat in 1985 gematrikuleer het, maar steeds gereelde kontak het, het Saterdagmiddag by die Casbah in Brakpan bymekaar gekom vir ’n gesellige kuier en om so bietjie op te vang.

Die groep, waarvan sommige in Pretoria, Randburg en Kaapstad woon het op die padkafee besluit vanweë die gewildheid van die plek toe die manne nog agter die skoolbanke ingeskuif het.

“Dié plek asook die Charl Baard Stadion, oorkant die pad, hou baie herinneringe vir ons in en daarom het ons besluit om Saterdag juis daar bymekaar te kom om vriendskapsbande wat jare gelede gesmee is te verstewig,” het ’n woordvoerder van die groep gesê.