Aries laat waai met hulle kaskarre

Laerskool Die Arend het die derde kwartaal van die jaar afgesluit met hul jaarlikse kaskardag, wat vir baie pret gesorg het.

Elke klas het volgens ‘n tema aangetrek en ‘n optog gehou voordat die groot resies begin het.

Die kaskar resies het op die skool se sportvelde plaasgevind. Elke graad het ‘n wenner gehad wat kon smul aan roomys.

Daar was ook verskeie stalletjies, lekkernye en soetgoed om van te kies.