Jacques Dean het onderskeidings in wiskunde, ingeneurs- grafika en ontwerp, Afrikaans huistaal, inligtingstegnologie, en fisiese wetenskappe. Hy gaan by die Universiteit van Pretoria meganiese ingeneurswese studeer in die veld van robotika en megatronika. Fotos: Charma du plessis.
Hoërskool Stoffberg se Klas van 2024 het gister (Dinsdag) saam met die res van die land se matrikulante hul matriek uitslae ontvang en spog met ‘n 99.3% slaagsyfer.
Altesaam 27 leerders het ook onderskeidings behaal, met ‘n totaal van 54 onderskeidings. Calie Boshoff wat sewe onderskeidings behaal het, is die skool se top presteerder.
Vyf onderskeidings het gegaan aan Jacques Dean en Chanté Labuschagne, vier aan Anoeshka van Wyk, en drie elk aan Suné de Rouwe, Tiaan du Toit en Chelle-Marie Schoeman.
Leerders wat elkeen twee onderskeidings behaal het, is Dyllin Coetzee, Dian le Roux, Justin Nel en Armand van Buuren.
Altesaam 16 leerders het elk een onderskeiding ontvang.
Calie Boshoff het onderskeidings in wiskunde, Alpha wiskunde, lewensoriëntering, rekenaar toepassingstegnologie, drama, inligtingstegnologie en fisiese wetenskappe.
Tiaan du Toit het drie onderskeidings in wiskunde geletterdheid, besigheidsstudies en toerisme. Hy studeer by IMM Grad School ‘supply chain management’, en wil eendag in die vervoerbedryf werk.
Die top drie presteerders by Stoffberg is Calie Boshoff, wat 'n skootrekenaar ontvang het, Jacques Dean wat ‘n R1 500 kontantprys ontvang het, en Chanté Labuschagne wat ‘n R800 kontantprys ontvang het. Hier is hulle met skool personeel en bestuur.
Suné de Rouwe het drie onderskeidings – in Afrikaans huistaal, Engels eerste addisionele taal en visuele kunste. Sy gaan ‘commercial and communication design’ studeer by Open Window in Centurion, maar is nog onseker watter veld sy wil betree daarin.
Chanté; Labuschagne het onderskeidings in Engels eerste addisionele taal, wiskunde geletterdheid, besigheidsstudies, rekenaar toepassingstegnologie en verbruikerswetenskappe.
Anoeshka van Wyk het onderskeidings in Afrikaans huistaal, Engels eerste addisionele taal, wiskunde geletterdheid en besigheidsstudies. Sy werk tans, en studeer deeltyds aan 'n kursus in gasvryheid. Sy wil eendag op 'n skip gaan werk.
Chelle-Marie Schoeman het drie onderskeidings – in Afrikaans huistaal, Engels eerste addisionele taal, en besigheidsstudies. Sy gaan by die Universiteit van Pretoria regte studeer, en beoog om in die veld van handelsreg te werk.
At Caxton, we employ humans to generate daily fresh news, not AI intervention. Happy reading!
