Brakpan verwelkom Northam Wolves in openingsronde
Die Bosman Stadion is môre die middelpunt van aksie wanneer Brakpan sy Sibanye Super Liga seisoen teen die Northam Wolves afskop.
Die Brakpan Rugbyklub kom môre (Saterdag) in die openingsronde van die Sibanye Super Liga teen die Northam Wolves te staan.
Die wedstryde vind tuis plaas en die publiek word uitgenooi om ’n dag van aanskoulike rugby te geniet.
Die volgende wedstryde word op die A-veld beslis:
• Brakpan o18 vs Elsburg o18 (vriendskaplik) om 13:00
• Brakpan se tweedes vs Northam Wolves om 14:40
• Brakpan se eerstes vs Northam Wolves om 16:00
Op die B-veld sal Brakpan se o21’s teen Delmas se eerstes om 15:00 die stryd aansê.
“Ons nooi ons ondersteuners, klublede en die publiek uit om die dag saam met ons by die Bosman Stadion te geniet,” het die voorsitter van die klub, Frikkie Bosman, gesê.
Toegang is R20 per persoon en R30 per voertuig. Geen koelhouers word toegelaat nie.
LEES OOK: Empty bowls at Brakpan SPCA as tinned food supplies run critically low
LEES OOK: SASSA Saves R44m a month through social grant reviews
