Om die eerste kwartaal op ’n energieke noot af te sluit, het onderwysers van twee skole van die dorp die boeke vir ’n slag verruil vir rakette tydens ’n padeltoernooi by Tulee Padel.

Onderwysers van Hoërskool Stoffberg en Sonneveld Akademie het teen mekaar kragte gemeet in ’n vriendelike maar mededingende stryd om as koning van die baan te kraai.

Volgens Suzette Binneman, Sonneveld se bemarkingsbestuurder, het Sonnies uiteindelik as algehele wenners op punte geseëvier.

Suanne Ueckermann, Stoffberg se bemarker, het bygevoeg dat Lionel Ueckermann en Marga Groenewald die finale wedstryd gewen het.

“Die wedstryde het baie goed verloop en ons het dit regtig geniet,” het sy gesê.