CCC Brakpan Rugby Klub het Saterdag in die Peregrine Liga in ‘n klipharde wedstryd teen Springs op Olimpia Park te staan gekom en Springs het met ‘n sege van 26-21 weggestap.
Alhoewel ‘n gemotiveerde Brakpan span hul beste gegee het, kon hulle net nie daarin slaag om die wedstryd in hul guns te swaai nie.
Springs het met dié wen verseker dat hulle vanjaar nog nie ‘n wedstryd verloor het nie.
: CCC Brakpan Rugby Club prepares for upcoming season
In die wedstryd het Springs vier drieë gedruk wat vir hulle ‘n ekstra bonuspunt in die liga besorg het.
Brakpan se tweedes moes ook die knie buig voor Springs met ‘n telling van 24-5 en die o21 span het hul wedstyd met 23-17 verloor.
Brakpan se eerste span het bestaan uit Martin Steyn, Divan Broodryk, Quinten Nel, Divan John de Bruin, Sibakeng Ncube, Jayden Boshoff, George Giessing, Brandon Smith, Marco van Aswegen, Nico Erasmus, Marius Kleinhans, Kettie Olivier, Duncan van Waardhuizen, Ruan Botha en JB Barnard.
