Brakpan stap weg met drie oorwinnings oor Vereeniging
Brakpan het sy goeie vorm in die Peregrine-liga voortgesit deur Saterdag al drie sy wedstryde teen Vereeniging te wen, met die eerste-, tweede- en o21-span wat almal sukses behaal het.
Brakpan Rugbyklub het sy goeie vorm in die Peregrine-liga voortgesit deur Saterdag al drie sy wedstryde teen Vereeniging te wen.
Hoewel Vereeniging sterk teenstand gebied het, kon die besoekers nie daarin slaag om een van die wedstryde in hul guns te beklink nie.
Brakpan se eerstes moes hard werk vir hul oorwinning, maar het tog met 29-24 geseëvier. Menzi Nxumalo het ‘n uitstekende dag op die veld beleef en is as die eerstes se speler van die wedstryd aangewys.
Die tweedes het ‘n oortuigende 26-7-oorwinning behaal. Ruan Botha het deurgaans beïndruk en is ná die wedstryd as speler van die wedstryd aangewys.
Brakpan se o21-span het ook die wenpad gestap en Vereeniging met 24-13 geklop. Stian de Villiers se goeie spel het hom die speler van die wedstryd toekenning besorg.
Brakpan pak volgende vir Nigel in sy volgende Peregrine-ligawedstryd.
ALSO READ: Lythe Pillay targets Commonwealth Games medal after career-best season
ALSO READ: Team South Africa unveils 112-athlete squad for Glasgow Commonwealth Games
