Arnold Peens skryf per e-pos:

Ek was geskok toe ek in die Brakpan Herald lees dat die Eventide Ouetehuis na soveel jare nou ook toegemaak het. (Families in shock over closure of old age home)

Toe ek baie jonger was, was my pa se broer daar en ek het baie kere saam met my ma en my daar gaan kuier.

Dit was ‘n goeie plek wat mooi na die mense gekyk het.

Wat my nou pla is dat die plek gaan leeg staan en stuk vir stuk weggedra sal word soos al die ander plekke in die dorp.

Daar is die ou biblioteek wat nou net ‘n vuil nes is en waarvan net die buitemure nog staan. Die plek is heeltemal vernietig en dit was een van die mooiste geboue in die dorp.

ALSO CHECK: Sudden closure of Eventide Old Age Home sends shockwaves through community

Daar is ook die ou Brakpan Rolbalklub wat vernietig is en uiteidelik aan die brand gesteek is. Daar was die tennisklub langs die rolbalklub, wat jare terug vernietig is.

My voorspelling is dat dit die voorland gaan word van die Eventide Ouetehuis. As iemand nie vining ‘n plan maak om daardie gebou te beveilig nie gaan dit eers van binne gestroop word en dan gaan die dak en vensterrame waai. Al wat gaan oorbly is die mure.

Ek en my vrou bly al van 1967 in Brakpan en dit is baie hartseer om te sien hoe dinge by die dag agteruit gaan.

Nie eers die munisipale kantore waar ons elke maand ons water en ligte gaan betaal word onderhou nie. Die gras is lank en die tuine bestaan nie eers meer nie.

Ek spreek my seën uit oor die Eventide gebou en hoop en bid dat die gebou behoue sal bly en ten goede gebruik sal word en dat diewe en skelms dit nie stuk vir stuk wegdra nie.