Amore Bekker kuier by VLU

Die Vroue Landbou Unie se Goue Suide Streek het hul 20ste verjaardag in Heidelberg met die tema Lewensvreugde op 25 Julie gevier. Heidelberg VLU was die organiseerders van die oggend.

Amore Bekker, radio omroeper van RSG (Radio Sonder Grense) se Tjailatyd was die gasspreker en het die vroue aan haar voete gehad.

Amore se informele geselstrant laat haar gehoor vinnig by haar aanklank vind. Tog kry sy dit reg om hulle met haar staaltjies te boei.

Amore het ook haar tweede kookboek, Tjailaresepte 2 bekendgestel. Sien meer oor dié boek hier.

Amore is weer op 12 September tydens die DBV se fondsinsamelingsfunksie in Heidelberg. Dit word om 10:00 vir 10:30 by Suikerbosoord Dienssentrum vir Bejaardes gehou en kaartjies is R100 per persoon.