Heidelberg stap as oorwinnaars van die veld af
Taai wedstryd sorg vir opwinding.
Op 19 Februarie het Heidelberg Rugbyklub se eerstespan kragte teen die Union Bulldogs van Johannesburg-Suid op Hoër Volkskool se velde gemeet.
Die eerste helfte van die wedstryd was gelykop, met die enigste verskil van twee strafskoppe wat Heidelberg tussen die pale deurgestuur het om ’n voorsprong van 6-0 tydens halftyd te geniet.
Gedurende die tweede helfte het dit gelyk of Bulldogs ander planne gehad het en het hulle ’n drie gaan druk wat verdoel was. ’n Strafdoel was ook verower.
Met die tyd wat uitgeloop het, het Heidelberg met mening ingeklim en teen die einde van die wedstryd twee verdere drieë gedruk. Nie een van die drieë was verdoel nie en die eindtelling was 16 vir Heidelberg en 10 vir die Bulldogs.
Die groot verskil tussen die twee spanne was dat Heidelberg se voorspelers bobaas gevoer het en die skrumme oorheers het. Daar was een geelkaart vir ongeoorloofde spel teen Heidelberg.
Met die strafskop telling van altesaam 33 strafskoppe het die verskeie afrigters harde werk wat voorlê om dit te verminder.
Daar was ook altesaam 21 skrums en 17 lynstane in die wedstryd gewees.
