Heidelberg se twee ster swemmers het onlangs aan die Suid-Afrikaanse senior- en junior swemkampioenskappe, wat in Ggeberha plaasgevind het, deelgeneem.
Die swemmers, Simoné Moll en Cristopher Strydom, het hulself uitstekend van die taak gekwyt en teen die land se top swemmers deelgeneem.
Strydom het in die junior kompetisie geswem in die o-15 kategorie. Hy het altesaam ses medaljes verower: brons in die 50m, 100m rugslag en 200m vryslag, silwer in die 100m vryslag en goud in die 50m asook die 100m vlinderslag.
Moll het aan die senior swemkompetisie deelgeneem. Vir haar eerste keer by die kompetisie het sy uitstekend gevaar en in twee rondtes na die finale rondtes deurgebring, waar sy onder die top agt swemmers in die borsslag afdeling geëindig het. Sy het ook haar swemheldin, Tatjana Schoenmaker, ontmoet en teen haar geswem.
