Rensburg VLU geniet gesellige oggend
Die vroue het elkeen tydens die vergadering 'n pothouer van herwinde materiaal gemaak en versier.
Lede van die Rensburg VLU-tak het op 18 Oktober hul maandelikse vergadering geniet.
Marty Jerling, die tak voorsitter het die lede bedank vir hul bywoning asook harde werk met die kompetisie artikels en die projekte wat deur die tak aangepak word.
Elize Coetzee (streekvoorsitter) en Elize van Biljon (streeksbestuurslid) was ook teenwoordig. Van Biljon het die lede se kompetisie artikels beoordeel.
Esra Leibold van die tak het die vroue meer oor borskanker en kankerbewustheid vertel.
Die fokuspunt was wat om vir iemand met kanker te sê.
Leibold het ook vir die vroue maniere gewys hoe om pothouers van herwinde materiaal te maak en te versier.
Die tak se volgende vergadering, wat ook as afsluiting sal dien, sal op 15 November gehou word.
Vir meer inligting oor die tak of om aan te sluit kontak Elmarie Eygelaar, die skakelbeampte, by 082 561 0441.
