Gradering vir Ability Academy studente
Harde werk verseker nuwe status vir Ability Academy studente.
Op 26 November het 10 jong studente, verbonde aan Ability Academy, aan ‘n Jiu-Jitsu gradering deelgeneem.
Sewe studente is bevorder na hulle volgende belt.
Die 10 studente wat deelgeneem het was Hendrè de Wet, Conrad van Rooyen, Armand van Rooyen, Derick Schlebusch, Hermann Schlebusch, Liam Hall, Ihsan Davids, Arno Carstens, James Hendricks en Kiellan Rudman.
Hendrè de Wet, Conrad van Rooyen, Armand van Rooyen, Derick Schlebusch, Hermann Schlebusch, Liam Hall en Ihsan Davids het almal van wit gordel na grys-wit gordel opgegradeer.
Vyf van die sewe studente het oorspronklik die Bully Guard Program tydens die Junie vakansie bygewoon.
Esmerelda Zeilinga het gehelp met die gradering van die studente.
“Dis vir my ‘n groot plesier om te sien watter impak die Bully Guard Program op die studente gemaak het,” het Ability Academy se afrigter Stefan Pretorius gesê.
“Dit is aangenaam om te sien hoe ver hulle gekom het dat hulle nou al hulle eerste kleur gordel in Jiu-Jitsu ontvang het.
“Die meeste van hulle gaan ook volgende jaar aan Jiu-Jitsu kompetisies begin deelneem,” het Pretorius gesê.
