Met dapper en stapper vir Bybelverspreiding

Met die Afrikaanse Bybel wat vanjaar sy 90ste bestaansjaar vier, het die AP Kerk-Nigel op 9 September weer hul jaarlikse Stap vir Bybels aangebied.

Vanjaar is die sewende jaar wat die kerk die staptog aanbied om geld in te samel vir Bybelverspreiding.

“Die staptog het baie gegroei vandat dit begin het,” het Ds Jacques Boonzaier van die AP Kerk gesê.

“Ons het vanjaar die meeste stappers ooit gehad en glo dat ons selfs meer ondersteuning volgende jaar sal kry,” het se Boonzaier gesê.

Sowat 208 stappers het Saterdag gestap en elke stapper wat aan die 5km of 1km staproete deelgeneem het ‘n medalje ontvang.

Die fondse wat ingesamel is, word aan die Bybelgenootskap van Suid-Afrika oorhandig.