Heidelberg Hoop kies elke week ‘n Inwoner van die Week en dié week is dit Melinda van der Merwe.
Melinda het die laaste paar weke uit haar pad gegaan en nie net die projekte waarvoor sy haar verbind het gedoen nie maar ook begin deur kragbokse te was en selfs sommiges te verf.
Melinda het ook Begemanstraat en sypaadjies met ‘n drukwasser laat was om die straat skoon te kry.
Sy het ook gesorg dat die mure vir die volgende muurkuns projek in Ueckermannstraat skoon gewas is om reg te wees vir die kunstenaars om te begin verf.
