Volkie hokkie spanne is reg vir die seisoen
Die spelers het waardelvolle ondervinding opgedoen om toe te pas in die seisoen wat voorlê.
Verskeie hokkiespanne van Hoër Volkskool het gedurende die skoolvakansie aan wedstryde deelgeneem by die Elsie Coetzer Hockey School toernooi.
Die o14 meisies het sewe wedstryde gespeel. Op die finale dag het Volkskool meegeding om as wenner van die toernooi aangewys te word. Volkskool het Oos-Moot met 1-0 in die eindstryd geklop en is as die o14 toernooi wenners gekroon.
Spelers wat as uitstaande spelers aangewys is sluit in: Ankia Spies (beste o14 voorspeler), Kayleigh van Wyk (beste o14 skakel), Khanyisile Sibisi (beste o14 doelwagter) en Madison Webb (beste o14 speler van die toernooi).
Die o15 span het goed gevaar tydens die Bethlehem toer wat hulle onderneem het en het geen doele afgestaan nie. In die vyf wedstryde wat hulle gespeel het, het hulle altesaam 14 doele aangeteken.
In die finaal het hulle Oos-Moot met 1-0 geklop en is ook as wenners in hul ouderdomsgroep aangewys.
Uitstaande spelers wat benoem is, sluit in Zunica Duvenage (beste o15 voorspeler), Anje Brakhoven (speler van die toernooi vir beide die o15- en o16 ouderdomsgroepe).
Die o16-span het ook sterk deelname getoon en waardevolle ondervinding opgedoen.
Die span het in verskeie wedstryde teen ander skole se eerste spanne te staan gekom.
Die tweede span het ook ervaring opgedoen en gewys dat hulle gereed is vir die liga seisoen.
