Laerskool Tini Vorster het op 19 en 20 September hul eerste Fast5-netbal- en sewes-rugbytoernooi by Hoërskool John Vorster se sportgronde aangebied.

Die skool het hiermee die waters getoets vir moontlike toekomstige sportdae en toernooie, en die geleentheid is as ’n groot sukses bestempel.

Verskeie skole het oor die twee dae aan die opwindende wedstryde deelgeneem, met goeie sportmangees en spanpoging wat oral deurskemer het.

Aan die einde van die toernooi het Laerskool Tini Vorster se o11- en o13-spanne as wenners uit die stryd getree – ’n prestasie waaroor die skool met trots kan terugkyk.