Hoër Volkskool se 2025-matrieks het op 13 Januarie hul uitslae en matrieksertifikate by die skool afgehaal, en hul prestasies het vir trots gesorg.

Die skool se matrieks het ’n slaagsyfer van 98.2% behaal.

Die topleerling Lauriska Els het nege vakke tydens haar matriekjaar aangepak en spog met sewe onderskeidings.

Sy beplan om Aktuariële Wetenskap aan die Potchefstroomse Noord-Wes Universiteit (NWU) te studeer.

Die ander uitsonderlike leerders vir 2025 was:

Drie onderskeidings: Rihané Hendriksz, Anke Kotze, Megan Manenti, Zonike Marais, Christiaan Steyn, Biehan Wepener, Jané Wepener, Bryan Wiggill, Marco Zdara, Inge Boshoff, Marike Janse van Rensburg en Marileigh Mouton.

Vier onderskeidings: Rulindé Smit, Karen Venter, Luné Wepener, Suné Barnard, Huib Sprong en Shawé Marais.
Vyf onderskeidings: Liesche Coetzee, Heinrich Bronkhorst en Jurgens Potgieter.

Ses onderskeidings: Bianca Erasmus.

Heraut het met ’n paar leerders oor hulle toekomsplanne gepraat:

• Saam het die Wepener-drieling 10 onderskeidings behaal.

Jané gaan aptekerswese studeer terwyl Biehan ingenieurswese en Luné industriële ingenieurswese as studierigting gaan aanpak. Al drie gaan by NWU in Potchefstroom verder studeer.

• Heinrich Bronkhorst gaan meganiese ingenieurswese by die Universiteit van Pretoria studeer.

• Suné Barnard se studierigting is sportwetenskap by die Universiteit van Johannesburg.

• Marco Zdara wil homself bekwaan in kubersekuriteit.

• Huib Sprong gaan in Bloemfontein medies studeer.

• Inge Boshoff gaan in die chiropraktisynrigting by Universiteit van Johannesburg studeer.

• Zonike Marais gaan geoktrooieerde rekenmeesterskap by NWU Potchefstroom volg.

• Shawé Marais gaan regte studeer by Akademia.

• Marileigh Mouton kyk op wolke toe want sy wil graag ’n lugwaardin word.