Is julle Heidelberg se mooiste paartjie? Wen romantiese pryse hierdie Februarie
Die ATKV Heidelberg-tak, saam met Solidariteit Helpende Hand en Style Challenge International, soek die dorp se mooiste en liefdesvolste paartjie.
Die ATKV Heidelberg-tak, saam met Solidariteit Helpende Hand en Style Challenge International, soek Heidelberg se mooiste en liefdesvolste paartjie.
Inwoners het die hele Februarie om deel te neem. Indien jy nog nie vir hierdie liefdevolle kompetisie ingeskryf het nie, het jy steeds die kans om dit te doen en fantastiese pryse te wen.
Enigiemand ouer as 16 jaar kan inskryf. Stuur ’n foto van julle as paartjie, saam met jul name en vanne, na 071 637 0412. Geen inskrywingsvorms hoef voltooi te word nie.
Die kompetisie sluit op 27 Februarie en die wenners sal daarna bekend gemaak word.
Van die pryse wat gewen kan word, sluit die volgende in:
‘n Midweek wegbreek by ATKV Buffelspoort ter waarde van R6 000, ‘n romantiese ete by die Heidelberg Klub, ‘n geskenkpak van Appelliefie,’n romantiese koffie-‘date’ geborg deur Appelliefie, ’n massering vir twee by Kara@Skin Excellence Heidelberg, manikuur en pedikuur van Salon Unique en ‘n haarstillering vir hom en haar (was en blaas) by Yolandi.
Vir enige navrae kontak Sandra Taljaard op 082 888 2731.
