Laerskool AG Visser se Graad Sewe leerders lui klok vir laaste keer
Die skool bou voort op 'n tradisie wat sewe jaar van leer en saamwees afsluit.
Die Laerskool AG Visser se Graad Sewe-leerders het op 10 November hul klok vir die laaste keer gelui; ’n simboliese gebaar wat die einde van hul laerskoolloopbaan aandui.
Die skool het ’n trotse tradisie wat jaarliks voortgesit word.
PHOTO: Eugene Viljoen.
Wanneer ’n leerder vir die eerste keer die skool betree, lui hulle die klok wat voor die saal staan om die begin van hul laerskoolreis aan te dui.
Aan die einde van hul laerskooljare lui hulle weer dieselfde klok, dié keer om afskeid te neem en die begin van ’n nuwe hoofstuk te vier.
Vir die meeste leerders was dit ‘n lang pad wat hulle saam gestap het.
Die leerders het mekaar vir sewe jaar deur dik en dun ondersteun, in die klaskamer én op die sportveld.
Terwyl elkeen die klok gelui het, het sommige ouers emosioneel geraak, bewus daarvan dat hul kinders nou ’n nuwe hoofstuk in 2026 betree.
PHOTO: Eugene Viljoen
