Hengelaars van die Balfour Hengelklub het onlangs by Kees van der Walt aan die Vaaldam saamgetrek vir hul jongste kompetisie, waar 23 lede altesaam 30 visse met ’n gesamentlike gewig van 33.273 kg gevang het.

Christo du Plessis was die groot wenner in die senior afdeling. Hy het vier visse met ’n totale gewig van 5.96 kg gevang om die eerste plek te behaal.

Lukas Stoltz het tweede geëindig met vier visse wat altesaam 4.34 kg geweeg het, terwyl Jaco Nel die derde plek ingeneem het met drie visse en ’n totale gewig van 2.96 kg.

In die damesafdeling het Darell Roos die eerste plek behaal met twee visse wat 1.67 kg geweeg het.

Ingrid Kriel was tweede met een vis van 0.38 kg, gevolg deur Sarita Stoltz in die derde plek met ’n vis van 0.23 kg.

Ludwig du Plessis was die enigste junior hengelaar en het die eerste plek behaal met ’n vis van 1.62 kg.

Christo het ook die swaarste karp van die dag gevang, wat 1.77 kg geweeg het. Anthony Muller het die swaarste graskarp, met ’n gewig van 0.28 kg, gevang, terwyl Ingrid die swaarste moddervis van 0.38 kg gevang het.

Sarita het die swaarste geelvis, wat 0.23 kg geweeg het, gevang. Geen baber is tydens die kompetisie gevang nie.

Die klub se volgende kompetisie vind op 12 September by Steyns aan die Vaaldam plaas.

Vir meer inligting, kontak Lukas by 084 757 6058 of Bennie Kriel by 079 888 6052.