EHS se Akademiese Lourierfunksie het Maandag plaasgevind waartydens leerders van gr. 8 tot 11 beloon is vir harde werk in 2013.
Die geleentheid is op luisterryke wyse begin met ’n optog van die akademiese personeel in togas geklee.
Sertifikate, halfkleure en erekleure is toegeken vir akademie en skoolbesoek en enkele kriekettoekennings is ook gemaak.
Trofeë vir prestasies in krieket het aan Hans Greyling (gr. 9 – beste junior speler), Alec McIntyre (gr. 11 – beste vordering) en Evan Kemp (gr 10. – beste speler in eerste span) gegaan.
Leerders wat trofeë vir akademie ontvang het, is Hemani Bhika (gr. 9 -beste leerling in Kuns en Kultuur), Eswee Bothma (gr. 10 – beste prestasie in Wiskunde en Rekeningkunde) en Karischa Jordan (gr. 11 – beste prestasie in Wiskunde).
Leané Grey (gr. 8), Jana Grey (gr. 9), Lyn-Marié Smit (gr. 10) en Karischa Jordan (gr. 11) het boekpryse ontvang vir die beste tweetalige leerders in hul onderskeie grade.
Leané Grey het die Trevor Smith-sportprys vir beste sport en akademie van gr. 8 tot 11 ontvang.
Karischa Jordan (gr. 11) het ses medaljes ontvang vir ses vakke waarin sy die topleerling was. Sy het ook ’n medalje ontvang vir sewe onderskeidings in gr. 11. Die Dux-leerling in elke graad wat medaljes ontvang het, is Leané Grey (gr. 8 – 94%), Jana Grey (gr. 9 – 94%), Lyn-Marié Smit (gr. 10 – 90%) en Karischa Jordan (gr. 11 – 92%).
