Laerskool JJ van der Merwe se 0/11- en eerste rugbyspan en B-netbalspanne het gedurende die skoolvakansie op Volksrust meegeding.
Op die rugbyveld het die eerstes al hul wedstryde gewen. Hul uitslae is as volg: Witrivier 24-14, Piet Retief 10-5, Barberton 48-5, Lydenburg 33-24 en Pretoria-Oos 26-0.
Carlo da Silva, CJ van Huyssteen, Marko Ferreira, Tiaan Grobler en Steyn Landman is onderskeidelik in die vyf wedstryde as speler van die wedstryd aangewys.
Die 0/11-span het ook al hul wedstryde gewen en spog met die volgende tellings: Paul Pietersburg 51-0, Lydenburg 46-0, Piet Retief 19-15, Witrivier 31-15 en Pretoria-Oos 49-0.
Christiaan Horn, Marnus Marx, Carel Jacobsz, Franco Prinsloo en Jaco van Wyk is onderskeidelik as speler van die wedstryd gekroon.
Die 0/11B- en 0/13B-netbalspanne het die prys ontvang vir die spanne met die beste gees.
In die 0/11-afdeling is Ziyanda Machaba as beste verdediger, Madelein Ferns as beste aanvallende vleuel en Chané Thirion as die speler met die beste maniere gedurende die toernooi aangewys.
In die 0/13-kamp het Rafiloe Moloi weggestap met die prys vir beste houding en Ansha Jordaan is aangewys as die beste senter van die toernooi.
Die netbal se eerste en 0/11-span het na Pretoria gereis waar albei spanne twee uit hul vyf wedstryde gewen het.
Die eerstes het vasgeval teen BPMS, Lichtenburg en Hennopark en wen oortuigend teen Reitz (24-4) en klop Trichardt 22-14.
Die 0/11-span se twee oorwinnings was teen Trichardt (11-10) en Impala (18-1), maar kon nie die mas teen Saamtrek, Menlopark en Edleen opkom nie.
