ERMELO – Inwoners en werkers in Power- en Murraystraat is raadop oor riool wat volgens hulle al vir maande in die strate afloop en ook die spruit daar naby besoedel.
Behalwe vir die reuk van riool wat konstant in die lug hang, moet inwoners en werknemers by die Eskom se verspreidingskantore daagliks deur die rioolwater ry om by die werk te kom.
Een van die werkers het gesê dat hulle by die huis hul voertuig tot laat in die aande buite laat staan, en dat hulle al opgegee het om dit daagliks te was.
“Ons motorhuis stink van die reuk van riool wat aan die voertuig hang,” het hulle gesê.
Hoëvelder het met verskeie inwoners in die omgewing gesels, wat gesê het dat hulle gereeld kinders in die veld sien speel en vrees dat hulle ernstig siek kan word van die riool.
Lees die volledige berig in die Hoëvelder.
