Erries maak hul merk by nasionale PSi Indoor Hockey-toernooi
Verskeie Erries het tydens die PSi Indoor Hockey North Nationals in Durban op nasionale vlak meegeding, afgerig en as skeidsregters opgetree, terwyl nog ’n groep vir die Desember-toernooi in Kaapstad gekies is.
Verskeie Erries het tydens die Oktober-vakansie die Cheetahs se binnenshuise hokkiespanne by die PSi Indoor Hockey North Nationals in Durban verteenwoordig as spelers, afrigters en skeidsregters.
Een van die Erries se afrigters, Siya Nkosi, het die Cheetahs se o. 11A-span afgerig, wat in die Cup-afdeling van die kompetisie meegeding het.
Nkosi is ook die afrigter van die o. 16A-span, wat later vanjaar sal deelneem.
Nathan Herbst het die Erries as skeidsregter verteenwoordig en sy eerste Pro Series Indoor-wedstryde geskeidsreg. Herbst het in Augustus sy vlak 0-indoor-skeidsregtersteorie geslaag en is later amptelik as ’n PSi-skeidsregter gekeur.
Hy het altesaam 25 wedstryde oor drie dae geskeidsreg en is ook aangewys om die Top 6-o. 12-dogters se wedstryde in die skildafdeling, insluitend die halfeindstryd en eindstryd, te hanteer.
Verskeie leerlinge is vir die Cheetahs-spanne gekies wat gedurende die Desember-vakansie aan die PSi Indoor Hockey Nationals in Kaapstad sal deelneem.
Die volgende Erries is vir die onderskeie ouderdomsgroepe gekies:
• o. 14-dogters: Janelle Fourie, Ané Grobler, René Moller en Adelaine Botes
• o. 16-dogters: Leoné Jacobs, Minette du Plessis, Jolané van Janse van Rensburg, Mia Schoonraad, Lea Swart, Zane Kapp, Kaeleigh Botes, Inge Prinsloo, Megan Herbst, Werné Engelbrecht, Ineke Theron en Jané Fourie
• o. 18-seuns: Nathan Herbst.
