Avion se voorsitterspan slag Kempton af
Die promosiespan het ongelukkig teen Kempton vasgeval
DIE wedstryd die naweek tussen Avionpark en Kemptonpark Krieketklubs se voorsitterspanne was in ‘n japtrap agter die blad nadat Avion slegs 14.5 beurte nodig gehad het om die wenlopies af te kolf.
Kempton het eerste gekolf en was binne 12.2 beurte almal terug in die pawiljoen vir ‘n skrale 74 lopies.
Jaco Roberts met 5/34 in sewe beurte het die meeste skade aangerig. Hy is goed deur Courtney Bam (3/3 in 2.4) en Derick Geefers (2/37 in 5) bygestaan.
Avion het 76/3 aangeteken om met sewe paaltjies te wen. Lloyd Siebert met 20, Rudi Lotz 36* en Bam met 20* het die lopies aangeteken.
Die Avion Colts het ook met Kempton afgereken. Avion het eerste gekolf en 123/9 aangeteken. Zander Smith met 40 het met die kolf uitgeblink.
Kempton is vir 103 uitgeboul. Ettiene du Plessis (2/3 in 1), Devon
Pienaar (2/31 in 8), Miguel Stoman (2/19 in 5) en Francois Marais (4/18 in
4.4) het Kempton se harte op hierdie Valentynsdag gebreek.
Die promosiespan het ongelukkig teen Kempton vasgeval.
Juniors
O8/B wen Tembisa met 85 lopies. Avion 145. Ewald Haasbroek (16 en 3/3), Edrich de Klerk (25), Jaimi Coertse (19 en 2/5), Ewhan O’Connel (1/4) en JP du Plessis (1/6).
O/10A wen Tembisa met 60 lopies. Helgard Stadler (25 en 2/1 in 0.3 beurte), Waldo Haasbroek (20) en Zander Pienaar (3/3 in 2).
0/10B verloor teen United.
O/12 superliga wen Duduza met 71 lopies. Avion 138/6. Duduzar 77. Zander Cronje (52*), Johan Kruger (4/10), Stehan du Preez (2/12), Arno Joubert (2/15) en Jeandre Byleveldt (1/11).
O/12A verloor met 7 paaltjies teen United. Ruan Janse van Rensburg (35), Daniel van Zyl (31) en Johan von Gericke (1/11 in 2).
