‘n Jong swemmer en driekampatleet van Laerskool Impala is besig om haar merk in dié sportsoorte te maak.
Bernelee Doster het onlangs aan die Summer 5-swemkompetisie deelgeneem waar sy eerste in die 50m rugslag was en tweede in die 200m rugslag.
Sy neem van 23-25 Maart aan die SA vlak 3 streekskampioneskappe deel.
Bernelee het ook ‘n 400m damswem aangepak waar sy algeheel derde was en die vroue-afdeling gewen het.
In die 1000m was sy negende en in die vroue-afdeling derde.
Tydens Sentraal-Gauteng se driekampprysuitdeling is Bernelee aangewys as die nommer 1 meisie-atleet in die ouderdomsgroep 12-13 jaar. Sy het ook ‘n algehele eerste plek by die Sentraal-Gautengkampioenskappe verower en is vir die Suid-Afrikaanse driekampkampioenskappe in Bloemfontein gekies.
