Annebel swem soos vis in die water

Annebel van Wyk (11), lid van ESP, het die afgelope vakansie ‘n nuwe Oos-Gauteng rekord in die 200m rugslag opgestel.

Sy het die rekord by die Sasol Nasionale Kampioenskappe verbeter toe sy die item in 3:00.87 gewen het.

Tydens dié kampioenskappe het sy aan sewe finale deelgeneem en ook drie silwer- en een bronsmedalje gewen.

Annebel het brons in die 50m rugslag verower en silwer in die 100m rugslag, 100m borsslag en 200m borsslag.

By die Oos-Gauteng winterkampioenskappe, waar dié leerder van Laerskool Impala in agt finale geswem het, het sy silwer in die 100m vlinderslag en 50m rugslag behaal en brons in die 100m rugslag.