Man wil sy dogter na amper 40 jaar ontmoet
Omstandighede het daartoe gelei dat hy nooit sy dogter leer ken het nie.
Johannes Coetzee, 59, van Adlerstraat in Krugersdorp-Wes het die news-kantoor met ‘n baie vreemde versoek besoek.
“Ek is op soek na my dogter, want ek hoor sy is op soek na my – en daarom wil ek dié berig plaas sodat sy kan weet waar en hoe om my in die hande te kry.”
Johannes, wat in die gemeenskap as Tully bekendstaan, sê omstandighede het daartoe gelei dat hy nooit met sy dogter Christina in kontak was nie. Hy is egter nou meer as ooit bereid om haar te ontmoet en ‘n band met haar te vorm.
Sy dogter, sê hy, moet nou 38 jaar oud wees.
“Ek is voor haar geboorte weermag toe en so het ek kontak met haar en haar ma verloor.”
Coetzee sê hy het gehoor dat sy dogter tans in Krugersdorp is en indien sy hom wil kontak kan sy hom by 071 006 3961 skakel.
