Bastion-atleet se weghol-sukses

Kaelynn Swart, ‘n matriekleerling van Hoërskool Bastion, het gedurende die skoolvakansie in Rustenburg aan die SA Atletiekkampioenskappe deelneem.

Kaelynn het ‘n tweede plek tydens die Gauteng Atletiek Skolekampioenskappe in die 400m vir dogters onder 19 behaal, asook ‘n eerste plek tydens die Gauteng Atletiek Klubkampioenskappe in die 400m vir dogters onder 19.

Sy is ook tydens die PUK Atletiekbyeenkoms in Potchefstroom as die Victrix Ludorum van die byeenkoms aangewys, nadat sy die rekords in die 100m, 200m en 400m geslaan het.

Kaelynn se afrigter, Dirk Uys is baie trots op haar.