Swartsakke vol liefde vir armes in Krugersdorp
Die projek gee skenkers 40 dae kans om 40 items in die swartsak of boks te sit en dan aan Hope for the Future of enige ander liefdadigheidsorganisasie te gee.
Yolandi Coetzee Pestana en Madre Botha, die twee barmhartige Krugersdorpers wat verlede jaar ‘n baie suksesvolle liefdadigheidsprojek bestuur het, wil hierdie jaar weer Krugersdorpers uitdaag om hulle met ‘n projek te help.
Die twee vroue is deel van Hope for the Future en dié jaar daag hulle gemeenskapslede uit om swartsakke vol bruikbare items vir minderbevoorregte gemeenskapslede te skenk.
Die projek genaamd Swartsakke Vol Liefde het op 20 Maart afgeskop en duur tot 28 April. Dit gee skenkers 40 dae kans om 40 items in die swartsak of boks te sit en dan aan Hope for the Future of enige ander liefdadigheidsorganisasie te gee.
Hul Facebook-‘bedelblad’ Hope for the Future het onlangs meer as 1 000 lede bygekry en is tans ‘n baie populêre gesels- en liefdadigheidsgroep.
Die vroue aanvaar geen geld as donasie nie, maar vra eerder die gemeenskap om niebederfbare produkte, kospakkies en enige ander bruikbare goedere aan minderbevoorregte gemeenskapslede te skenk.
Vir meer inligting of om betrokke te raak besoek hulle Facebook-blad Hope for the Future West-Rand of skakel Yolandi by 062 748 4657 of Madre 078 676 9760.
Lees verder:
Everyone deserves to be a ‘princess for a day’
