VF Plus veroordeel plaasaanvalle by Hekpoort
Mulder doen ‘n ernstige beroep op landelike gemeenskappe om hulle misdaadintelligensiestelsels op te skerp.
Die VF Plus is bekommerd oor die veiligheid van inwoners in die landelike gebiede van Gauteng na nog twee plaasaanvalle onlangs by Hekpoort plaasgevind het, het Jaco Mulder, VF Plus-leier in Gauteng gesê.
In die eerste geval is ‘n veiligheidswag aangeval maar die booswigte het op vlug geslaan nadat hulle nie toegang tot die plaashuis kon kry nie.
Kort daarna is ‘n jong plaasbestuurder en sy vriendin op die buurplaas ernstig beseer nadat hulle vermoedelik deur dieselfde aanvallers in hul plaashuis oorval en herhaaldelik met ‘n skerp voorwerp gesteek is.
Mulder, wat self belange in Hekpoort het, doen ‘n ernstige beroep op landelike gemeenskappe om hulle misdaadintelligensiestelsels op te skerp en saam met die polisie en plaasveiligheidsinisiatiewe te werk om aanvalle te verhoed.
Het jy dalk meer inligting rakende dié storie? Stuur gerus vir ons ‘n e-pos na krugersdorpnews@caxton.co.za of skakel ons by 011 955 1130.
Vir daaglikse gratis gemeenskapsnuus aan die Wes-Rand, besoek ook ons susterwebtuistes:
Besoek ook ons Facebook, Twitter en Instagram blaaie om jou stem te laat tel!
