Proties ryg Raca Eisteddfod-toekennings in
Die platinum- en diamanttoekennings het ingerol toe Laerskool Protearif-leerders aan vanjaar se Raca Eisteddfod deelgeneem het.
Laerskool Protearif se leerders het onlangs aan vanjaar se Raca Eisteddfod deelgeneem en verskeie platinum- asook diamanttoekennings ingeryg.
Die Proties-spreekkoor, wat uit graad RR- en graad R-leerders bestaan het ‘n platinumtoekenning ontvang terwyl die junior spreekkoor vir graad 1- tot 3-leerders onder leiding van Mariette Pretorius ‘n diamanttoekenning ingepalm het.
Die seniorspreekkoor vir graad 4- tot 7-leerders onder leiding van Anneke Putter het ook ‘n diamanttoekenning gekry.
Verder het die skool se a cappella-groep vir graad 6- en 7-leerders ‘n platinumtoekenning gekry.
‘n Groep van die skool se graad 3-leerders het Wielie Walie tydens by die kompetisie opgevoer en die stuk is deur Joey Burger geskryf. Hulle het vir die optrede ‘n platinumtoekenning ontvang.
