Noordskool bo tydens Cluster-atletiekbyeenkoms
Noordskool het as wenners uitgetree tydens 'n Cluster-atletiekbyeenkoms gehou op eie bodem.
Laerskool Krugersdorp-Noord het op 7 Februarie hul jaarlikse Cluster-atletiekbyeenkoms aangebied en spog met ‘n algehele eerste plek.
Noordskool se woordvoerder, Quintin Botha, sê talle skole het deelgeneem waaronder Alma Mater International School, Curro Krugersdorp, John Martin Catholic School, Silverfields Primary en The King’s School Muldersdrift.
Curro was algeheel tweede gevolg deur Alma Mater, Silverfields, King’s School en John Martin.
Een van Noordskool se toppresteerders op die dag was Liané Snooké wat met ‘n gooi van 10.44m in die gewigstoot vir dogters o13 gespog het.
“Ons is ook trots om aan te kondig dat ons 62 atlete stuur wat ons skool tydens die Krugersdorp-kampioenskappe op Donderdag, 13 Februarie gaan verteenwoordig,” het Quintin afgesluit.
