Twee van Laerskool Krugersdorp-Noord se leerders het verlede kwartaal aan die Gauteng-finaal van die Wiskunde olimpiade deelgeneem en uitstekende prestasies behaal.

Noordskool se woordvoerder, Quintin Botha, het vertel dié leerders is:

• Heinu van der Nest (graad 4) – behaal ’n algehele 15de plek in Gauteng (Kategorie A)
• Keagan Pienaar (graad 5) – behaal ’n indrukwekkende vierde plek in Gauteng (Kategorie A)

“Die leerders het vanaf skoolvlak deelgeneem en van daar af deurgeding deur verskeie kompetisies, insluitend distrik, en dus het hulle finaal toe gegaan,” sê Quintin.

“Ons skool is werklik so trots op twee leerders in die groep te hê. Daar word hard gewerk aan ons kritisie denkvaardighede en ek oefen ook met die leerders gereeld sulke denkvrae. Ons skoolvlak olimpiade wat ons ook regdeur die jaar doen versterk ons leerders se vermoëns baie,” het Quintin afgesluit.