7 skaaksterre laat Proties skaakmat sê
Laerskool Protearif se jong skaaksterre wys dat slim spel en spanwerk tot groot hoogtes kan lei.
Laerskool Protearif spog met sewe leerders wat onlangs as die skaak-D2-wenners gekroon is.
Volgens Proties se skaakorganiseerder en -afrigter, Anelle Roux, het hul o.9-span al hul ligawedstryde gedurende die ligaseisoen gewen. Op 28 Augustus het Proties se D2-wenners aan die Gauteng-skaakkampioenskappe in Benoni deelgeneem, waar hulle ’n algehele 16de plek behaal het.
Protearif se skaakprogram bestaan uit tussen 40 en 55 leerders. Tydens die ligaseisoen het twee spanne uit elke ouderdomsgroep – o.9, o.11 en o.13 – aan die liga deelgeneem.
Die leerders is:
• Jacques Pretorius
• Meco Calitz
• Zian van der Merwe
• Zion Barker
• Joshua Botes
• Thoriso Mashamaite
• Derick Mulder
“Skak ontwikkel ons brein, bevorder intellektuele denke en beplanning sodat Proties die regte skuiwe kan maak – op sosiale en lewensbesluite,” sluit sy af.
