Krugersdorp News se positiewe skrywe omtrent myself op bladsy 9 van die 4 Maart-uitgawe het ek baie gesmaak, net soos ek die Woord van God smaak, soos geskrywe in Heb. 6:5.
Hier volg nou drie negatiewe skrywe omtrent Johannes soos in ander koerante aangedui:
1. Daily-Representative – Queenstown 1971. Die opskrif: “Golf Club Burglary”. Weggekom met twee rugsakke vol sterk drank
2. Beeld 1976: “Trein-rit ryk aan smarte”
3. The Star 1976: “Big jumble sale in Mayfair”. R22 000 se goedere van trein af
4. Beeld 1979: 31 Mei “Man in onderbekken geskiet”. Die een 9mm Parabellum-patroon het my vel ‘daar’ vyf keer gebreek. Nog normaal. Na al die negatiewe ervarings het God my nogtans vergewe soos geskrywe in Jes. 1:18.
Weereens, baie dankie aan Krugersdorp News.
