Ons wil graag ‘n inspirerende gedagte met u deel aangesien ons almal ongekende uitdagende tye ervaar.
Baie mense wonder of daar ‘n God is en as daar is hoekom hy nie iets doen aan die wêreldwye tragedies wat ons nou ondervind nie, maar ook aan die persoonlike probleme waarmee baie mense nou te kampe het.
Ek is seker u sal saamstem dat as ons die skoonheid in die natuur waarneem, dit daarop wys dat daar ‘n intelligente skepper is wat omgee vir die mensdom.
En wat ons van God weet is moeilik om te versoen met wat sedert die begin van die mensdom die lot van mense is.Sommige mense het vertroue in enige god verloor weens die optrede van selfsugtige en gierige kwaaddoeners.Maar dit is duidelik dat daar wel ‘n ware God is. Dit is onmoontlik om die blote kompleksiteit van die lewe toe te skryf aan ‘n blote versameling biologiese ongelukke en eksperimente wat aan blinde toevalle toegeskryf word (die teorie van evolusie) … indien waar, sou die lang tyd wat gepostuleer is en die hoeveelheid mislukte eksperimente daartoe gelei het dat die mensdom kniediep in ‘n see van droë bene sou loop.
Terwyl baie mense voel dat ‘n God wat vir ons omgee nie sal toelaat dat slegte dinge met goeie mense gebeur nie, is dit duidelik uit die skeppingsboek en die heilige skrif dat daar so ‘n God is en dat hy vir ons omgee en sorg.Hy het homself in sy woord, die Bybel, geopenbaar en ons moet net tyd maak om dit te lees.
Hy belowe byvoorbeeld in Jesaja 35:5 dat Hy “die oë van die blindes sal oopgemaak en die ore van die dowes geopen sal word”.
Deur Sy woord die Bybel te lees, luister ons na wat Hy sê. Hy wil ook hê dat ons met Hom moet praat deur middel van gebed. ‘n Eenvoudige versoek tot Hom word vir seker gehoor.Dit is wonderlik om te weet dat Hy wat die heelal geskep het, graag wil hê dat ons met hom moet praat en dat hy die krag sowel as die begeerte het om ons te hoor.
Ons is geskape om met Hom te praat en as ons met nederigheid sy luisterende oor versoek, reageer hy en kry ons ‘n rustige gevoel van veiligheid dat iemand baie magtiger as ek, jy of enige politieke leier, ons hoor, omgee en reageer.
