Egpaar vang medaljes
Boothengelpaartjie het vanjaar al nege medaljes, drie trofeë en 'n skild verower.
Vossie Vorster en sy vrou Miena hengel graag van hul ligtegerei-boot af en het al 150 medaljes ingepalm.
Vossie het onlangs aan die Suid-Afrikaanse Hengelkampioenskappe deelgeneem, en het derde plek behaal vir die binnelandse span.
“Boothengel is nie baie gewild in Krugersdorp nie, en ons wil dit verander. Ons wil graag die mense van Krugersdorp aanmoedig om dié vorm van hengel te probeer, maar hulle moet hul eie boot hê,” het Vossie gesê.
Hy het ook gesê dat die span ‘n ‘ouetehuis’ word omdat hulle nie vars bloed kry nie.
“Die juniors word seniors en die seniors word veterane, maar ons kry nie nuwe mense in om die siklus weer te begin nie”, het Miena gesê.
Indien jy meer inligting oor boothengel wil hê, skakel vir Vossie by 082 576 3954.
Lees meer:
Oor die 300 visse vir hengelklub
‘Leë’ dam lewer goeie opbrengs
Vaaldam se visse nie bang om hoek te vat op koue wintersdag
Hengelstaatmakers ontvang toekennings
