Doele vir ‘n doel by Kennies
Laerskool Kenmare se netbaldogters het meeste van hul kragmetings teen Roodekrans gewen.
![](https://images.caxton.co.za/wp-content/uploads/sites/2/2024/05/DSC_0818_13775-e1716535020782-780x470.jpg)
Laerskool Kenmare en Laerskool Roodekrans het onlangs kragte gemeet op die netbalbaan in ‘n ligawedstryd.
Volgens Kennies se netbalorganiseerder Adine Adriaanse, het die JOMO-liga by Kennies plaasgevind waar die o10’s tot die o13-spanne in aksie was.
![](https://images.caxton.co.za/wp-content/uploads/sites/2/2024/05/DSC_0780_69508-e1716535003106-744x492.jpg)
Lid van Kennies se beheerliggaam Jackie Coetzee, het bygevoeg die wedstryde vorm ook deel van Kennies se Doele vir Drome-fondsinsameling. Sy sê die doel is om geld in te samel om vir een van hul leerders ‘n mediese toestel aan te koop.
![](https://images.caxton.co.za/wp-content/uploads/sites/2/2024/05/DSC_0809_74362-e1716534989790-744x491.jpg)
Wat uitslae aanbetref het Kennies se B-spanne drie uit vier wedstryde gewen, hul C-spanne het twee uit die vier gewen terwyl die o11A-span 25–7 geseëvier het. Die o13’s het ongelukkig 19–14 vasgeval.
![](https://images.caxton.co.za/wp-content/uploads/sites/2/2024/05/DSC_0696_98203-e1716535083689-744x496.jpg)
“Die o12A-span kwalifiseer om aan die Gauteng Kampioenskappe deel te neem wat op 7 en 8 Junie by Hoërskool Randburg plaasvind. Dié sal die eerste span in nege jaar wees wat Kennies by die toernooi verteenwoordig. Ons o13A-span neem op 31 Mei en 1 Junie deel aan die JOMO-uitspele om te kwalifiseer vir die kampioenskappe. Ons is voorwaar baie trots op ‘n baie goeie netbalseisoen,” het Adine bygevoeg.
![](https://images.caxton.co.za/wp-content/uploads/sites/2/2024/05/DSC_0710_30659-e1716535035685-744x496.jpg)
Die Krugersdorp News het die dag bygewoon waar daar aan die einde ook ‘n Kennie-ma teen Kennie-juffrou netbalwedstryd plaasgevind het.
![](https://images.caxton.co.za/wp-content/uploads/sites/2/2024/05/DSC_0774_10031-e1716535052101-744x491.jpg)