Besselaar (35) se regterbeen is Maandag by die heup geamputeer in ‘n hospital in Durban, maar die wond het nie geheg nie. Dit het gelei het tot komplikasies waaraan hy beswyk het.

Vriende van die familie is geskok oor die gebeure en beskryf die voorval as “‘n tragiese en onnodige sameloop van omstandighede wat hierdie jong pa se lewe geëis het”.

Besselaar is Vrydagaand met ‘n haelgeweer geskiet nadat hy ‘n rower met ‘n kroegstoel platgeslaan het.

Hy het soveel bloed verloor dat sy been afgesit moes word.

Besselaar en Tokkie Hugo, eienaar van die Certainty Lodge in Sodwana, KwaZulu-Natal is by die lodge oorval deur drie gewapende mans.

Die mans was gewapen met ‘n 9mm pistol, ‘n AK47 aanvalsgeweer en ‘n haelgeweer.

Besselaar het een rower met ‘n kroegstoel aangeval en Hugo het die ander twee gestormloop.

Nadat die rower Besselaar met die haelgeweer in die been geskiet het, het al drie van die toneel af gevlug.

Besselaar is na ‘n hospital in Richardsbaai geneem en later oorgeplaas na ‘n hospital in Durban waar sy been teen Maandag afgesit sou word.

Die rowers het na bewering eers werkers op die perseël van hul selfone beroof voor die booswigte hul op die kroeg toegespits het.