Volgens inligting het die motoris drie motors probeer verbysteek op die R40 tussen Hoedspruit en Klasserie vanoggend, 22 Desember.

Die ongeluk het naby Kapama Reservaat se ingang gebeur.

Letaba Herald verneem dat die motoris glo ‘n kop aan kop botsing probeer vermy het met ‘n aankomende voertuig, nadat hy drie motors verbygesteek het, van die pad gejaag het en teen ‘n boom gebots het.

Video:

‘Hy is op die toneel gestabaliseer deur nooddienspersoneel, en daarna per helikopter na die Rob Ferreira hospitaal gevlieg in Nelspruit ,’ het Pieter Papsdorf van die Hoedspruit Plaaswag gesê.

Die motor het glo ook aan die brand geslaan na die botsing.

Die pad was vir ‘n ruk gesluit vir verkeer, maar is nou weer oop.