ATKV Eiland Spa sien die nood en help
Vir Bennie Steenkamp, oordbestuurder van ATKV Eiland Spa, is dit belangrik om mense se lewens aan te raak.
Met die initiatief van ATKV Spa en dmv die bewusmaking van die program ‘Good morning Angels’ op Jacaranda FM, het hulle verlede jaar bygedra tot die studiefonds van ‘n jong student, wie se ouer nie kon bekostig om haar te laat studeer nie. Die student presteer uitstekend en daar is toe besluit om haar in 2018 weer finansieël te ondersteun.
“Wanneer ‘n mens hoor van hierdie gevalle van nood, dan besef jy werklik hoe bevoorreg ons in die lewe is”
‘n Paar weke gelede het ‘Good morning Angels’ vertel van ‘Tshwane Haven’, ‘n toegvlugsoord vir hawelose en weggooi kindertjies.
Tans word 12 babas daar versorg en ongeveer tien bondels wasgoed moet daagliks gewas word en met slegs een wasmasjien, is dit ‘n opdraande stryd. Steenkamp en die Spa se harte het weer oopgegaan en ‘n bydrae is gemaak om nog ‘n wasmasjien aan te koop.
“Wanneer ‘n mens hoor van hierdie gevalle van nood, dan besef jy werklik hoe bevoorreg ons in die lewe is” het Bennie aan LETABA HERALD gesê.
“Soveel ou vriende het weer kontak gemaak nadat hulle van ons betrokkenheid gehoor het, en dit opsigself is ‘n bonus,” het Steenkamp verder vertel. Dankie aan ATKV Eiland Spa en Bennie Steenkamp vir julle ruimhartigheid om ‘n verskil in iemand se lewe te maak.
