Amanda Strydom roer Tzaneen se hartsnare vir goeie doel
Die aand is gehou as ‘n fondsinsamelingsprojek ten bate van die Nasionale organisasie – STOP TRAFFICKING.

Die BNI Letaba-tak was Vrydagaand, 14 September die aanbieders van die eenvrou musiekteaterstuk van een van Suid Afrika se mees bekroonde kunstenaars, aktrise,sanger en skrywer Amanda Strydom.
Die skreeusnaakse en tog ook hartverskeurende stuk “State of the Heart was die heel eerste eenvrou musiekteaterstuk uit Amanda Strydom se pen. Coenraad Rall se begeleiding op die elektroniese klavier was as’t ware die perfekte komplimenterende bygereg vir die hoofmaal, die hartseer verhaal van Maxie de Meyer, aanmekaar geweef met liedjies in Afrikaans, Engels, Frans, Zoeloe, Duits en Nederlands.
Die aand is gehou as ‘n fondsinsamelingsprojek ten bate van die Nasionale organisasie – STOP TRAFFICKING , wat tans baie aktief en suksevol in Tzaneen werksaam is.