Jy hoor mense lag en vrolik sing En al wat dit doen – is om vir jou hartseer te bring.

Alleen met net die klank van ‘n donker nag om jou Niemand om te sê geseënde kersfees en om jou vas te hou.

As jy dit nog nooit ervaar het, sê dankie Heer

Want , vra my – dit pluk jou trane en dit maak seer.

Die storie herhaal homself weer elke nuwejaar

Nog ‘n sit op die trappie – daarna is dit klaar vir nog ‘n jaar.

Elke jaar is dit ‘n herhaal keer op keer.

En ek in my swakheid – het daarteen geen verweer.

Ek vra nie ‘n duur geskenk of ‘n besoek Ook nie ‘n oproep of ‘n duur boek.

Dink aan my – al is dit net een keer Wanneer jy bid – vra net – hou haar styfvas , Heer.