“Pogings om samewerking te bewerkstellig met die SAP op Hendrina het al verskeie kere misluk. Die Polisie Forum is ’n klaaglike mislukking met lede wat betaling vereis om op die komitee te dien, planne wat beraam is om misdaad te bekamp waarvan niks gekom het nie, daar nie voertuie beskikbaar is nie en korrupsie onder lede.”

Daar word vertel dat klaers al weggewys is wat beroof is en die lede aan diens vir die vroueklaer gesê het “om die verdagte te bring voordat ’n saak geopen kan word.”

Ongelukstonele word bygewoon deur lede wat nie weet wat hulle doen nie en selfs weier om ’n ongeluksverslag op te stel “omdat die lid nie daar was en gesien het wat gebeur het nie.”