Die Middelburg Observer het inligting bekom dat daar verskeie “amateur dwelmverkopers” is wat probeer om die dwelmmark in Middelburg binne te dring. Buitelanders en selfs jong mans slaan so te sê vuis om ‘n stukkie van die dwelmkoek te kry.

Volgens ‘n betroubare bron is daar verskeie nuwe handelaars op die dorp.

‘n Groep jong mans van ander stede, het die afgelope tyd op een of ander manier ‘n groot klomp dwelms van ‘n bestaande handelaar afgevat.

Hulle het verskeie prostitute genader om te hoor of hulle bereid sou wees om as verspreiders op te tree.

In hul besit het hulle ‘n groot hoeveelheid Cat (metamfetamien) en Chrystal Meth (kristal metamfetamien) gehad.

Die groep, met byderwetse haarstyle en motorfietse, het egter self deur hul eie voorraad gewerk en het later niks oorgehad om te verkoop nie..

• Intussen is ‘n prostituut deur ‘n bekende dwelmhandelaar aangerand nadat hy haar daarvan beskuldig het dat sy klandisie na ander handelaars in plaas van na hom verwys.

• Jude Obiano, ook bekend as Chico of Kenny, word dikwels tussen die prostitute gesien.

Hy verruil glo goedere wat hulle van kliënte steel vir dwelms.